Það er með ólíkindum að dvöl minni hjá Media Posse sé lokið. Í kvöld vorum við með sýningu á verkunum okkar síðustu tvo mánuði. Það var magnað að sjá hverju við höfðum áorkað og það er ennþá magnaðara að vita að maður skilur eftir sig verk sem koma til með að lifa næstu árin hjá þessu fyrirtæki - jafnvel atvinnutækifæri ef vatn rennur þannig til sjávar.

Hæ þið.

Sunna hér! Hef ekki bloggað hér mjög lengi. En ætli það sé ekki tími til kominn að ég láti í mér heyra.

Af mér er ágætt að frétta. Nema það að ég er eitthvað rosa óheppin.

Var í ræktinni um daginn og missti á puttann minn eitthvað dæmi í einu tækinu - puttinn varð tvöfaldur (án djóks) og fjólublár. Og nöglin er fjólublá líka.

Ég veit ekki hvort ég brotnaði. Er að bíða eftir að fá tryggingapappírana mína senda hingað. En ég held að ég sé ekki brotin.

Síðan í dag - stóð ég við sófann heima hjá Önnu Lilju og Daniel var að reyna að standa sjálfur í sófanum - sleppti bara höndunum og datt aftur fyrir sig.

Þannig að ég hoppaði að sófanum (og reyndar Anna líka) og rak einhvern veginn stóru-tána undir sófann þannig að nöglin losnaði öll af!

Hún var samt föst í rótina, þannig að ég tók hana ekki af. Setti bara plástur á, af því að það blæddi svo mikið undan líka.

En mamma og Karlo sögðu samt bæði að nöglin myndi trúlegast deyja - þannig að Karlo ætlar trúlegast að taka nöglina af á eftir Kvíði geggjað fyrir!

En já... kemst sem sagt ekki í ræktina á næstunni og get voða lítið labbað um. Verð bara að nýta tækifærið og hella mér útí lærdóminn.

Hvati kemur síðan til mín um helgina! nánar: eftir 2 daga! get varla beðið

Vona að ég verði orðin betri í tánni þá, þannig að ég geti gert eitthvað þessa helgi.

En annars erum við bara hress hérna. Veðrið er að verða rosa gott hérna - á að vera fínt um helgina

Bloggum kannski saman áður en Hvati fer aftur til San Fran.

- Sunna -

p.s. ég verð á Íslandi í sumar! er komin með vinnu og Hvati trúlegast líka

Síðustu dagar hafa svosem ekki verið hinir afrekamestu en þó... Ég eignaðist hjólabretti (ekki átt slíkt í ein 5 ár eða svo) og svo er ég er kominn með utanáliggjandi harðan disk sem verður vinnustöðin mín ásamt tölvunni næstu vikur, mánuði og jafnvel ár. Stykkið getur geymt um 1TB = 1000GB = andskotans hellingur bara.

Kæru lesendur - karma karma karma...

Þetta hefur verið af styttra tagi síðustu blogg mín þar sem að ég hef einstaklega takmarkaðan tíma til að vera onlæn á daginn. Þetta á samt að lagast í dag þar sem við eigum að fá internet tengingu í húsið sem við búum í. Ég komst að því á föstudaginn að þetta hús er á prime-location í San Francisco og er "multi-million-dollar-house". Við skulum ekkert ræða það frekar (það er til að mynda kristalsljósakróna í einu rýminu, held það sé örugglega kristall). Og til að klára dæmið: Aðal-hverfi samkynhneigðra er næsta gata við okkur... Aldrei nokkurn tímann á ævinni upplifað svona stemningu, GayPride heima á undir hallan að sækja!

Nóg komið af hýrleikanum. Síðasta helgi var frekar leiðinleg bara, náði mér í al-íslenskt kvef hérna og lá með pappír í nösum. Hitunarverkfæri hússins eru ekki alveg að gera sig og þess vegna er verulega kalt á næturnar (ég sef í sokkum, buxum og síðerma bol).
Tölvan mín ákvað að vera með stæla og rugla all hressilega í mér en með stakri þolinmæði (nýmóðins af minni hálfu) og nokkrum reiðiköstum þá er hún bara farin að hegða sér vel. Fór með hana í Apple í gær og þeir reyndu einsog þeir gátu að "krassa" hana en allt kom fyrir ekki. Hún hefur sjálfsagt smitast af þingeyskri þrjósku blessunin.

Við höfum verið að koma okkur fyrir síðustu daga og kynnast borginni lauslega. Geggjuð borg! Almennileg-heitin eru á hverju horni, menn búnir að loka sölustöndum sínum við göturnar en afgreiða mann samt! Ef þetta hefir einvherntímann gerst á Íslandi þá vil ég undirritaður fá skriflega staðfestingu á því. Man ekki eftir að mér hafi verið hleypt inn í verslun eða afgreiddur í sölustandi eftir lokun, mér hefur aftur á móti verið vísað frá rétt fyrir lokun (man samt ekki hvar það var).

Nú í pípunum liggur hugmynd að ferðalagi til San Diego til að hitta Sunnu mína. Þann 28. þessa mánaðar er Mardi Gras partý á þeim bæ, eintómt fjör! Tvíburarnir eru að hugleiða að fara með mér í þetta ferðalag, bætir bara við fjörið. Vonandi kemur allt í ljós í dag með það - ég fer pottþétt!

Um leið og internetið er komið upp hér þá hef ég færi á að setja upp myndir fyrir ykkur.

Bið að heilsa í bili. Gaman að sjá hvað margir kommentuðu á fyrstu færsluna!
Kua-T

P.S. Núna áðan fann ég búð sem að selur minni í tölvur og ég fékk minni í mína vél fyrir slikk - ódýr viðgerð en ætti að gera það að verkum að hún lifi eilítið lengur blessunin.

Jæja fjandinn hafi það!

Bara til að halda lífinu í ykkur kæru vinir...

Hádegismaturinn í dag - Chili a'la David Fratto:

Hellingur af svínahakki,
hellingur af hvítlauk,
hellingur af lauk,
kjúklingabaunir,
bakaðarbaunir,
sellerí
tofu
varíus tegundir af kryddi...

Virkilega gott stöff!

Er að vinna í myndasíðunni,
Sólarkveðjur frá USA

P.S. Ása - það þýðir bara eitt að við verðum að vinna upp tapið í maí

Jæja kæru vandamenn... Þá er maður búinn að koma sér, þannig lagað, fyrir í hinni marg-kúltúruðu og stórfenglegu borg San Francisco. Strax um leið og ég lennti í gær tók á móti manni fólk með bros á vor.
Þetta gekk nú ekki alveg snuðrulaust fyrir sig og ég ætla að fara yfir síðustu þrjá daga í réttri röð héðan í frá.

1. febrúar
Get ekki sagt annað en að það hafi verið pínu stress í maganum að fara frá Íslandi og takast á við heim sem að maður hefur einvörðu séð í sjónvarpinu.
Það voru felld örfá tár að skilnaði í Keflavík en það kom ekki að sök.

Flugið frá KEF var nokkuð gott bara. Daníel Ómar Romero Önnu Liljuson hélt okkur kompaníi og fékk óskipta athygli flugfreyjanna sem meira að segja tóku hann á röltið með sér. Hann var bara óskaplega þægilegur ferðafélagi.

Við lentum svo í New York eftir smá hringsól yfir svæðinu og við tók blessað Immigration Services. Það er best að ég láti í friði að tjá mig nánar um það. Löng saga stutt, við Sunna vorum tekin í gegn af þeim félagsmönnum og voru ekki alveg á því að hleypa okkur inn í landið en eftir góðan klukkutíma þá sáu þeir nú að við vorum (og erum) alsaklausir námsmenn sem eru að fara að læra hérna í tæpa þrjá mánuði. Ég skal alveg segja ykkur það að ég var skíthræddur og mjög stressaður og það munaði bara því að ég hefði snúið mér að einum félagsmanninum og beðið hann um sígó (gera þeir það ekki alltaf í Hollywood annars?) en ég hélt bara kúlinu.

Við komumst svo bara beint á hótelið og pöntuðum pizzu og Pepsi og hvíldum svo þreytta líkama.

2. febrúar
Við vöknuðum bara frekar snemma þennan morguninn og fengum okkur kontinental morgunverð á hótelinu (án endurgjalds, eða þannnig)og skelltum okkur út á flugvöll og vorum blessunarlega bara mjög snemma í því.
Við tékkuðum okkur inn í flug og svo tók við hressilega röð í security check. EN abbabbabb! haldiði ekki að hann Daníel Ómar Romero Önnu Liljuson hafi bara plöggað okkur í stuttu röðina þar sem við vorum með kerruna hans. Meistari! Klassa ferðafélagi.

Það var svo aftur mjög kjánaleg og erfið kveðjustund þegar ég hélt á leið upp í flugvélina mína og skildi þremeningana eftir þar sem þeirra flug var klukkutíma seinna.

Bömpí flugferð en besta lending ever held ég. Og toppurinn var að ég var með tvö sæti útaf fyrir mig.

David Fratto kom svo og sótti mig út á flugvöll og við komum við í nokkrum búðum á leiðinni til að versla hluti í stúdíóið hans.
Síðan komum við loksins í íbúðina hans og hitti ég þar Tvíburana og Mólókæj (sjálfsagt skrifað Molokai) sem er Pitbull voffinn hans David. Tvíburarnir tóku mig í smá labbitúr um hverfið (og hundinn). Þegar við komum til baka var David byrjaður að elda matinn og stuttu síðar mætti Tom vinur hans en þessi sami Tom er einmitt að leigja okkur húsið sitt til afnota meðan við erum hérna.
Geggjaður matur, innfluttur bjór frá Jamaica (tilviljun: hverfið sem við gistum í í NY heitir Jamaica!) og svaðalegasta grænmetiskássa sem ég hef séð. Pabbi! ég borðaði meira að segja sútsjíníið!
Tom skutlaði mér síðan hingað í húsið sitt eftir matinn og ég verð satt best að segja að ég hélt að ég mundi fara í einhverjum svona la-la bíl en nei nei gæjinn þrusar um SF á Porsche Carrera 911! Taskan rétt komst fyrir í aftursætinu - það er ekki skott á Porsche.

Lars og Thomas bekkjarbræður mínir komu örskömmu seinna og við fórum að sofa um 12 leytið (local time - 8:00 á ísl. tíma).

3. febrúar
Vöknuðum allir um 6 leytið í morgun - massa djett-lagg í gangi. Fórum á fætur og fórum í bæinn. Náðí mér í San-Franciscoískt símanúmer svo ég geti nú hringt í hana Sunnu mína í San Diego.

Þessi borg er stórkostleg. Það eru allir svo vinalegir. Allir svo kátir eitthvað. Hýr bragur yfir öllu - bókstaflega, hvernig sem þið túlkið það! Böggar mig ekki neitt.

Núna sitjum við úti á svölum, til að gera léttklæddir (getum ekki sýnt of mikið hold svo við fáum smá frið skiljiði) og erum að fara að labba yfir til David í löns.

Ég kem til með að setja upp sjálfstætt starfandi heimasíðu með öllum myndunum sem ég tek hérna svo þið getið séð hvað þetta er magnað.

Bið að heilsa í bili!
Sighvatur "Hvati" Halldórsson

Jæja píbúl...

Virkilega langt síðan síðast hehe, en vitiði til það verður breyting á því.

Nú erum við að gera okkur ferðbúin fyrir USA næstu 3 mánuðina eða svo. Við erum að farast úr tilhlökkun (þó svo að ég geti ekki sagt að ferðalagið sjálft heilli mig eitthvað svakalega).
Sunna verður í San Diego hjá systur sinni að vinna að lokaritgerðinni fyrir skólann sinn og á meðan ætla að ég að "dúsa" í San Francisco (Regnbogalandið eins og ég kýs að kalla það núna) og verð að vinna fyrir Media Posse við framleiðslu að alls kyns hreyfimyndum.

Við komum til með að blogga all hressilega þarna úti og birta myndir eins oft og auðið er!

Þið sem hafið aðgang að Facebook (fés-kiljunni) getið svo að öllum líkindum vafrað um myndaalbúm okkar þar - stefni að því persónulega að birta eins mikið að myndefni þar og auðið er sem og hreyfimyndum sem ég vinn að þar úti.

Skemst er frá því að segja að www.hvati.dk er loksins að renna saman í, til að gera, síðasta árfarveginn áður en allt rennur til sjávar. Ef allt gengur upp lýtur vefurinn dagsins ljós á allra næstu vikum.

Veriði blessuð í bili dúllurnar okkar,
fylgist með okkur á næstu vikum.

Hvati og Sunna

P.S. Birtum tengla fyrir myndasíður og þess háttar í næstu bloggfærslum, um leið og eitthvað gerist.

Já gott fólk. Nú erum við Sunna nýkomin af veitingahúsi niðri við Haderslev þar sem að bekkjarbróðir Sunnu bauð okkur dýrindis málsverð á svo gott sem engu verði...

Ástæðan fyrir öllu þessu hafurtaski er að að sjálfsögðu sú að við erum búin að vera saman í heil fjögur ár í dag! Já, fjögur ár! Fjögur ár sem hafa verið frábær og ógleymanleg! Við erum nú búin að afreka helvíti mikið á þessum tíma skal ég segja ykkur og þið vitið það best sjálf, legg ekki í að skrifa það allt niður hérna hehe...

En já við semsagt, skelltum okkur til Haderslev og átum okkur vel södd og drukkum mjög gott rauðvín með.

Hvernig sem því öllu saman líður þá höfum við það gott. Er mikið að gera þessa dagana í skólanum og því öllu saman. Same Ol' ef við orðum það þannig... Við höfum það bara ágætt.

Ég varð aftur á móti fyrir því óláni að veskið mitt hvarf fyrir óskiljanlegar sakir síðasta fimmtudag. Ég get með engu móti fundið það og liggur það í augum uppi að því hafi verið nappað úr rassvasa mínum á leið minni í gegnum göngugötur Kolding.
Nú er því upphafið kapphlaup til að eignast ný skilríki sem fyrst aftur, þó svo ég ætli að gefa lögguni sénsa fram á morgun daginn. Gæti verið að það hafi komið í leitirnar.
Það sem var meðal annars í veskinu var kortið mitt í ræktina. Það var þó ekki mikill vandi að leysa úr því og gæjinn sem vinnur í gym'inu sagði bara: "Det koster nemlig 50 kroner men I er fra Island så I har ik' nogle penger..." og málið dautt! Nýtt kort gratis!

En já. Get ekki sagt að við höfum meira til málanna að leggja. Hlökkum mikið til að koma heim, eftir heila 10 daga!

Ses,
Hvati y Sunna

Góðan daginn!

Jæja gott fólk!

Síðasta helgi var heldur betur athyglisverð.
Við skruppum til Köben (ég og Sunna) og hittum Rósu (mömmu Sunnu, fyrir þá sem ekki vita) og áttum þar góðar stundir saman. Við átum góðan mat og löbbuðum borgina á enda og til baka. Á föstudagskvöldið fórum við síðan í jólatívolí og þar fæddist þessi hugmynd að jólahugleiðingunni.

Hugleiðing:
Þegar við vorum á labbinu þarna áttaði ég mig á því að jólin eiga að vera tími fjölskyldunnar og þegar maður er staddur í öðru landi en megnið af fjölskyldunni er óhætt að segja að maður finni fyrir söknuði á svona tívolí-stundum. Jólin snérust alltaf um hvað maður skyldi nú fá í jólagjöf (reyndar hafði maður nú sterkar heimildir fyrir hvað leyndist í pökkunum) og þegar maður er lítill og kjánalegur þá er nú kannski ekki við öðru að búast en að jólin séu svolítið pakkaleg hehe...
Nú er kreppan vonandi að leysast sem ætti nú að ylja mörgum landanum um hjartarætur. En það eru rosalega margir sem að afvegleiðast á villigötur lífsins. Þess vegna vil ég hvetja ykkur gott fólk, vinir og vandamenn, að hugsa frekar um þá sem eru ykkur kærkomnir heldur en að afvegleiðast og fallast í freistni þungs þankagangs. Enn frekar til að hjálpa ykkur til þess er hér mjög áhugavert myndband um götubörn Úkraínu (að ég best man) og er tónlistin eftir hina kyngimögnuðu grúppu Mínus.



Hugsið nú um hvort annað og sjáið hvað við höfum það hrikalega gott!

Yfir í aðra hressari sálma (ekki jólasálma, Kjóni!).
Nú voru tvö met sleginn í ræktinni í dag: Ég hljóp eina 2.1 km á 10 mín. sléttum og hjólaði svo þar á eftir 6.91 km á 15 mín sléttum - þetta mun vera met árangur síðan ég fæddist held ég bara...

En komið svo með einhver hress komment, ha!?!?

Later,
Hvati

Jæja. Talsvert síðan ég skrifaði síðast...

Svo að fólk viti nú almennt af okkur þá höfum við það bærilegt. Fjárhagsleg staða okkar hefur ekki beðið hnekki af alþjóðlegu ástandi sem herjar heim voran.

Við höfum verið að taka okkur svakalega á í ræktinni síðustu vikur (höfum kannski slegið slöku við síðustu daga sökum heimsóknar frá Íslandi) og ég tel að við séum bæði bara nokkuð vel á okkur komin núna þrátt fyrir að það séu örfá kíló þarna sem mættu alveg missa sín.
Við þurfum að þakka Arnari fyrir þá þrautsegju og þann metnað sem hann leggur í að drulla okkur í ræktina! Takk Arnar!
Ég er búinn að slá metið mitt á hlaupabrettinu (2,07km á 10 mín sléttum) og stefni ótrauður á að ná allavega 2,3 á 10 mínútum fyrir jól!

Við fengum Kjóna í heimsókn nýliðna helgi. Ég skrapp til Århus á fimmtudaginn og var hjá Kjóna eina nótt. Daginn eftir fórum við í smá bæjarferð til að kaupa eyrnatappa svo að Hvati kallinn verði ekki heyrnalaus af trommuslætti. Því næst hringdi Finnur í okkur og kvaðst vera staddur í Århus í vinnuerindum - við gripum því að sjálfsögðu tækifærið og nýttum fararskjót hans til að endasendast í IKEA og kaupa eina 2 stóla til viðbótar við þá sem við eigum fyrir. Þaðan lá leiðin okkar í krókum út úr Århus og til Kolding með smá stoppi í einhverjum krummaskuðs bæ þar sem Finnur þurfti að sinna vinnu sinni.
Á föstudaginn var svo J-Day í Kolding og allri Danmörku. Það þýðir það að Tuborg verksmiðjan hóf opinberlega sölu á Jule bryg bjórnum sínum. Ása og Finnur fengu sér pössun og skruppu í bæinn með okkur. Jule bryg'ið er bara svakalega góður mjöður ef ég á að segja sjálfur frá!
Á laugardaginn ætlaði ég í ræktina en náði ekki að vakna í tæka tíð - gæti verið snooze takkanum að kenna - og Arnar fór einn og æfði fyrir okkur 4 hehe... Svo kom heimsókn frá Íslandi, góðvinir Arnars (Þorkell og Halldór) komu hérna í heimsókn (og eru enn) og sátum við hér að sötri fram eftir nóttu. Við Sunna og Kjóni fórum ekki að sofa fyrr en við rifjuðum upp gamal kunnan leik, Yatzi. Kjóni tapaði alltaf!
Sunnudagur: Arnar, Þorkell og Halldór fóru svo snemma morguns til Þýskalands í blaðamannaleik. Þeir fóru á handboltaleik liðanna Kiel og Lemko (skrifað einvhern veginn svona). Þeim tókst víst að troða sér í kvöldmatinn með þeim líka - borða með þeim sjáiði til. Mér skilst að það séu einhverjir Íslendingar að spila með þeim eða eitthvað svoleiðis.

Nú ég er sjálfsagt að gleyma einhverju og þið verðið bara að fyrirgefa mér það.

Síðast en ekki síst, fyrir þá sem hafa ekki séð okkur lengi:






Stay Tuned!
Hvati AKA Mr.T

Jæja... What's up???

Hvað er í gangi á þessu blessaða skeri.
Ég verð að segja það að í morgun fann ég fyrir þjóðernisstolti mínu og ég fann það fjara út og mér leið bara illa. Vinir okkar hérna eru að senda okkur baráttukveðjur og fleira vegna þess að þau eru að lesa um það sem er í gangi heima... já, heima!

En burt séð frá því þá eru indælis tímar framundan í DK, allavega næstu tvær vikur. Ég er nefnilega byrjaður í svona líka fínu vetrarfríi sem stendur yfir í 20 daga (byrjaði reyndar í því í síðustu viku hehe) en ég þarf ekki að mæta í skólann aftur fyrr en 21. október!
Það er margt á prjónunum. Við erum ennþá að gæla við að smella okkur til Belgíu að hitta gömlu bekkjarfélaga Sunnu, smella til Århus að hitta fellow Icelanders sem eru að koma í heimsókn í vikunni eða jafnvel bara sitja heima og gera mest lítið hehehe... og fara í ræktina! Við erum nefnilega búin að vera helvíti dugleg að skreppa í gym'mið og taka á því - þökk sé Arnari og Andreu!

En já ég er nú aðalega bara að henda upp smá bloggi svo þið haldið ekki að við séum dáin úr einhverju or some

Peace!
Hvati